आज पनि बढ्यो सुनको मूल्य, कतिमा हुँदैछ कारोबार?

काठमाडौं । नेपाली बजारमा बुधबार सुनको मूल्य फेरि बढेको छ। मंगलबारको तुलनामा सुनको भाउ प्रतितोला १ हजार ७ सय रुपैयाँले बढेको हो।

नेपाल सुनचाँदी व्यवसायी महासंघका अनुसार बुधबार सुन प्रतितोला ३ लाख १ हजार ८ सय रुपैयाँमा कारोबार भइरहेको छ। मंगलबार भने सुनको मूल्य प्रतितोला ३ लाख १ सय रुपैयाँ थियो।

यस्तै, चाँदीको मूल्य पनि बढेको छ। मंगलबार प्रतितोला ४ हजार ६ सय २० रुपैयाँमा कारोबार भएको चाँदी बुधबार ६५ रुपैयाँले बढेर ४ हजार ६ सय ८५ रुपैयाँ पुगेको छ।

अन्तर्राष्ट्रिय बजारमा पनि सुनको मूल्य उच्च रहेको छ। बुधबार सुन प्रतिऔंस ४ हजार ३ सय २४ अमेरिकी डलरमा कारोबार भइरहेको महासंघले जनाएको छ।