सुमन पुर्कुटी
काठमाडौं, साउन १४
-
-
सुनसरीको देवानगन्जबाट विष्फोटित भई देशका विभिन्न स्थानमा फैलिएको अशान्तिको घटनाक्रमप्रति नेपाल पत्रकार महासङ्घले गम्भीर चासो र चिन्ता व्यक्त गरेको छ। नागरिकको जीवन, सम्पत्ति र मौलिक अधिकारको रक्षा गर्नु राज्यको पहिलो सर्त भए पनि वर्तमान परिस्थितिमा देखिएको हुलदङ्गा र तनावले समाजलाई गम्भीर जोखिममा धकेलेको महासङ्घले ठहर गरेको छ।
महासङ्घका कार्यवाहक अध्यक्ष दीपक आचार्यद्वारा जारी विज्ञप्तिमा कुनै पनि प्रकारको विवाद वा असहमति समाधान गर्ने बाटो तोडफोड, हिंसा, प्रतिशोध वा द्वेष नभई संविधान, कानुनी प्रक्रिया र संवाद मात्रै भएको प्रष्ट पारिएको छ।
’अफवाह र उत्तेजनात्मक प्रचारबाट टाढा रहनुस्’
अहिलेको संवेदनशील घडीमा समाजलाई थप भड्काउने र विभाजित गर्ने खालका गतिविधिहरू बढेकोप्रति महासङ्घले कडा आपत्ति जनाएको छ। सामाजिक सञ्जालको दुरुपयोग गर्दै फैलाइने भ्रमपूर्ण, अपुष्ट र घृणास्पद सामग्रीहरूले आगोमा घ्यू थप्ने काम गरिरहेको भन्दै महासङ्घले सबै राजनीतिक दल, धार्मिक समुदाय, नागरिक समाज र आम नागरिकलाई संयमताको अति उच्च परिचय दिन अपिल गरेको छ।
सञ्चार क्षेत्रको काँधमा भारी जिम्मेवारी
यस्तो सङ्कटपूर्ण परिस्थितिमा पत्रकार र सञ्चार माध्यमहरूको भूमिका झनै पेचिलो र संवेदनशील बनेको महासङ्घको निष्कर्ष छ। सनसनीपूर्ण वा उत्तेजना फैलाउने समाचारभन्दा पनि सत्य, तथ्य, सन्तुलित र विश्वसनीय सूचना सम्प्रेषणमार्फत मात्रै सामाजिक सद्भाव र नागरिकको विश्वास जोगाउन सकिनेमा महासङ्घले जोड दिएको छ।
”सम्पूर्ण पत्रकार, सञ्चारकर्मी तथा सञ्चारमाध्यमलाई उच्च व्यावसायिक आचरण, पत्रकारिताका स्थापित मान्यता र आचारसंहिताको पूर्ण पालना गर्दै आफ्नो पेसागत दायित्व निर्वाह गर्न महासङ्घ आग्रह गर्दछ।”
मधेस लगायतका क्षेत्रमा देखिएको यो तनावलाई साम्य पार्न र धार्मिक तथा सामाजिक सहिष्णुता जोगाउन अब सबै पक्षले आ-आफ्नो ठाउँबाट विवेक प्रयोग गर्नुपर्ने बेला आएको छ।
-
सुनसरीको देवानगन्जबाट विष्फोटित भई देशका विभिन्न स्थानमा फैलिएको अशान्तिको घटनाक्रमप्रति नेपाल पत्रकार महासङ्घले गम्भीर चासो र चिन्ता व्यक्त गरेको छ। नागरिकको जीवन, सम्पत्ति र मौलिक अधिकारको रक्षा गर्नु राज्यको पहिलो सर्त भए पनि वर्तमान परिस्थितिमा देखिएको हुलदङ्गा र तनावले समाजलाई गम्भीर जोखिममा धकेलेको महासङ्घले ठहर गरेको छ।
Leave a Reply