काठमाडौं भित्रिने तीन वटै नाका बन्द, देशभरका सडक सञ्जाल अस्तव्यस्त, कुन राजमार्गको अवस्था के छरु

निरन्तरको वर्षासँगै देशका विभिन्न राष्ट्रिय राजमार्ग तथा मुख्य सडक खण्डमा बाढीपहिरोले यातायात प्रभावित भएको छ। सडक विभागका अनुसार पृथ्वी राजमार्ग, बीपी राजमार्ग र कान्ति राजमार्गसहित सात राष्ट्रिय राजमार्गमा यातायात पूर्णरुपमा अवरुद्ध छ। पूर्व–पश्चिम राजमार्गसहित छ सडक खण्डमा भने एकतर्फी वा आंशिक रूपमा यातायात सञ्चालन भइरहेको छ।

पृथ्वी राजमार्गको धादिङस्थित कृष्णभीर, तिङ्ग्राङखानी, बाङ्गे र चालिसेमा पहिरोले सडक बन्द छ। नारायणघाट–मुग्लिन सडकको नाम्सी खोला पुलमा पनि पहिरो खसेको छ। बीपी राजमार्गका विभिन्न स्थानमा डाइभर्सन बग्दा यातायात ठप्प छ। कान्ति, राप्ती र बेँसीसहर–चामे सडक पनि बन्द छन्। अन्य सडकमा पहिरो र ढलेका रुख हटाएर एकतर्फी यातायात सञ्चालनको प्रयास भइरहेको विभागले जनाएको छ।