राष्ट्रिय शोक घोषणा गर्न संसद्बाट सरकारलाई आग्रह

रसुवाको भोटेकोशीमा आएको विनाशकारी बाढीपछि सांसदहरूले भदौ १० गतेलाई राष्ट्रिय शोक दिवस घोषणा गर्न सरकारसँग माग गरेका छन्।

राष्ट्रिय सभाको शून्य समयमा बोल्दै सांसद युवराज शर्मा र मदनकुमारी शाह गरिमाले यस्तो माग गरेका हुन्। उनीहरूले विपद्मा ज्यान गुमाएकाप्रति सम्मान व्यक्त गर्दै एक दिन राष्ट्रिय झण्डा झुकाएर शोक मनाउनुपर्ने बताएका छन्।

सांसदहरूले अब उद्धार, राहत र प्रभावितको पुनःस्थापनालाई पहिलो प्राथमिकतामा राख्न सरकारको ध्यानाकर्षण गराएका छन्। साथै, विपद्को असर र जलवायु परिवर्तनको विषयलाई अन्तर्राष्ट्रिय तहमा समेत उठाउनुपर्नेमा जोड दिएका छन्।

यसैबीच, बाढीबाट हालसम्म ९८७ जनाको शव फेला परेको र ३ हजार ९१६ जना अझै सम्पर्कविहीन रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ। उद्धार तथा राहतका लागि २० हजार ८१९ सुरक्षाकर्मी परिचालन गरिएको छ।

#रसुवाबाढी #भोटेकोशी #राष्ट्रियशोक