काठमाडौंको सुन्दरीजलमा ३० किलो गाँजासहित दुई जना पक्राउ, मोटरसाइकलमा लुकाएर ल्याउँदै गर्दा समातिए

काठमाडौंको सुन्दरीजलबाट ठूलो परिमाणमा लागूऔषध गाँजा बरामद भएको छ। प्रहरीले सुन्दरीजल क्षेत्रबाट ३० किलो गाँजासहित दुई जनालाई नियन्त्रणमा लिएको छ।

गएराति १ बजेको समयमा बा ८३ प ४३७७ नम्बरको मोटरसाइकलमा सवार उनीहरूको साथबाट उक्त परिमाणको गाँजा बरामद गरिएको प्रहरीले जनाएको छ। घटनामा संलग्न रहेको आरोपमा पक्राउ पर्नेमा सिन्धुपाल्चोकको मेलम्ची नगरपालिका–३ हैबुङ घर भई हाल काठमाडौंको कागेश्वरी मनहरा–२ आलापोट बस्ने २६ वर्षीय अवतार सिंह तामाङ र सुन्दरीजल बस्ने ५४ वर्षीय अम्बक तामाङ रहेका छन्।

पक्राउ परेका दुवै जनाविरुद्ध थप अनुसन्धान तथा कारबाहीका लागि उनीहरूलाई प्रहरी वृत्त बौद्धमा राखिएको छ।